Reshtia

Monday, May 20, 2013 15:59

 

د اګست ۸، ۲۰۱۲ کال
  راليږونکی : مصطفی کوچی

عجب محفل دی

malangjan

  عجب محفل دی راټول شوي عزيزان پکې
څنګه به ښه وای خو چې وای فخر افغان پکې
عجب محفل دی پښتنو پکې ګډون کړی دی
د اتفاق او اتحاد دوی ښه تړون کړی دی
له بېګانه و په رښتيا سره بېلتون کړی دی
راغلې په خير زلميانو
د لوړو غرو زمريانو
د پښتنو خانانو
هم خوشحالي ده هم زړګی زما دی وران پکې
څنګه به ښه وای خو چې وای فخر افغان پکې
خانانو تاسو چې راتلئ خان غفارخان مو څه کړ
ستاسو ملګری هغه کلک خان صمد خان مو څه کړ
دلته خو نشته خلکو اجمل خان مو څه کړ
تاسو نه يې غواړمه زه
په کو کو ژاړمه زه
فکر کې لاړمه زه
بنديان به نه وای که ژوندون وای خوشحال خان پکې
څنګه به ښه وای خو چې وای فخر افغان پکې
نن هره خوا په جم و جوش چې خپل زلميان وينمه
سره بير غونه رنګينه لکه ګلان وينمه
عطاء الله خان مې ياد شو امير محمد خان مې ياد شو
عجب نور خان مې ياد شو
ځئ چارسدې ته چې ژړېږي ماشومان پکې
څنګه به ښه وای خو چې وای فخر افغان پکې
نن خوشحالي وکړم که غم کې دافغان وژاړم
پاڅه اوچت پښتونه
ډېر په هيبت پښتونه
په ټينګ همت پښتونه
وطن خو ستا دی څله اوسي اجنبيان پکې
څنګه به ښه وای خو چې وای فخر افغان پکې
پښتونه ستا شهيدان ټول په سترګو سرو ژړېږي
چې سرداران دې د پولادو په پنجرو کړېږي
ستاسو نو څرنګه دا سترګې په دنيا غړېږي
ننګ وغيرت پيدا کړئ
ښه لياقت پيدا کړئ
ملي وحدت پيدا کړئ
ګلشن تيار کړئ چې خوښ ګرځي ملنګ جان پکې
څنګه به ښه وای خو چې وای فخر افغان پکې

islamdilchasproghtiakhabariamakalaikor
taglara
kitabtonshirona
ariki
Copyright©: Reshtia 2012